📘 Preparation Ρω.02 Heroides VII.001/16

Accipe, Dardanidē, moritūrae carmen Elissae 1
Quae legis, ā nōbīs ultima verba legis: 2
Sīc, ubi fāta vocant, ūdīs abiectus in herbīs 3
Ad vada Maeandrī concinit albus olor. 4
Nec quia tē nostrā spērem prece posse movērī, 5
Adloquor adversō mōvimus ista deō; 6
Sed merita et fāmam corpusque animumque pudīcum 7
Cum male perdiderim, perdere verba leve est. 8
Certus es īre tamen miseramque relinquere Dīdō, 9
Atque īdem ventī vēla fidemque ferent? 10
Certus es, Aenēā, cum foedere solvere nāvēs, 11
Quaeque ubi sint nescīs, Ītala rēgna sequī? 12
Nec nova Carthāgō, nec tē crēscentia tangunt 13
Moenia, nec scēptrō trādita summa tuō? 14
Facta fugis, facienda petis quaerenda per orbem 15
Altera, quaesīta est altera terra tibi. 16

This quiz requires you to log in.
Please enter your Quia username and password.

Quiz Log In

Username:
Password: