National Latin Exam 5 2008 (Part 2) - (copy)

CADMUS AND THE COW
The Search for a Homeland

. . . profugus patriamque īramque parentis
vītat Agēnoridēs Phoebīque ōrācula supplex
cōnsulit et quae sit tellūs habitanda requīrit.
“Bōs tibi” Phoebus ait “sōlīs occurret in arvīs,
nūllum passa iugum curvīque immūnis arātrī.
Hāc duce carpe viās et, quā requiēverit herbā,
moenia fac condās Boeōtiaque illa vocātō.”
Vix bene Castaliō Cadmus dēscenderat antrō,
incustōdītam lentē videt īre iuvencam
nūllum servitiī signum cervīce gerentem.
Subsequitur pressōque legit vestīgia gressū
auctōremque viae Phoebum taciturnus adōrat...
Bōs stetit et tollēns speciōsam cornibus altīs
ad caelum frontem mūgītibus impulit aurās
atque ita respiciēns comitēs sua terga sequentēs
prōcubuit tenerāque latus submīsit in herbā.

Agēnoridēs = Cadmus
immūnis = free from
Boeōtia = Boeotia, a region of Greece
Castaliō = Castalian
dēscenderat = had completed his descent
speciōsam = beautiful
mūgītibus = mooing

	First name Last name