Caesar DBG 4.27 Vocab in Context

Hostes proelio superati, simul atque se ex fuga receperunt, statim ad Caesarem legatos de pace miserunt; OBSIDES SESE DATUROS quaeque imperasset facturos POLLICITI SUNT. Una cum his legatis Commius Atrebas venit, QUEM SUPRA DEMONSTRAVERAM a Caesare in Britanniam praemissum. HUNC ILLI e navi egressum, CUM ad eos ORATORIS MODO CAESARIS MANDATA DEFERRET, COMPREHENDERANT atque in vincula coniecerant; tum proelio facto remiserunt et in petenda pace EIUS REI CULPAM in multitudinem contulerunt et propter imprudentiam UT IGNOSCERETUR petiverunt. CAESAR QUESTUS QUOD, cum ultro in continentem legatis missis pacem ab se petissent, bellum sine causa intulissent, IGNOSCERE SE IMPRUDENTIAE dixit obsidesque imperavit; quorum illi partem statim dederunt, PARTEM EX LONGINQUIORIBUS LOCIS ARCESSITAM paucis diebus sese daturos dixerunt. Interea suos in agros remigrare iusserunt, principesque undique convenire et SE CIVITATESQUE SUAS CAESARI COMMENDARE COEPERUNT.

Please enter your name. (optional)

First name

Last name

 






Language Teacher
Wilson High School
Washington, DC

This activity was created by a Quia Web subscriber.
Learn more about Quia
Create your own activities