Vergil 2.235-249 QUIZ

accingunt omnes operi pedibusque rotarum
subiciunt lapsus, et stuppea vincula collo
intendunt; SCANDIT FATALIS MACHINA muros
feta armis. pueri circum innuptaeque puellae
sacra canunt FUNEMQUE MANU CONTINGERE GAUDENT;
illa subit mediaeque minans INLABITUR urbi.
o patria, o divum domus Ilium et incluta bello
moenia Dardanidum! quater ipso in limine portae
SUBSTITIT atque utero sonitum quater arma dedere;
instamus tamen immemores caecique furore
et monstrum infelix sacrata SISTIMUS arce.
tunc etiam fatis aperit Cassandra futuris
ora DEI IUSSU non umquam credita Teucris.
nos delubra deum miseri, quibus ultimus esset
ille dies, FESTA VELAMUS FRONDE per urbem.