Vergil 1.124-141 QUIZ
Intereā MAGNŌ miscērī murmure pontum,
ĒMISSAMque hiemem sēnsit Neptūnus, et īmīs 125
stāgna refūsa vadīs, GRAVITER COMMŌTUS; et altō
PRŌSPICIĒNS, summā PLACIDUM CAPUT extulit undā.
Disiectam Aenēae, tōtō videt aequore classem,
flūctibus oppressōs Trōas caelīque ruīnā,
nec LATUĒRE dolī frātrem Iūnōnis et īrae. 130
Eurum ad sē Zephyrumque vocat, dehinc tālia FĀTUR:
'TANTANE VŌS GENERIS TENŪIT FIDUCIA VESTRĪ?
Iam caelum terramque meō sine nūmine, VENTĪ,
miscēre, et tantās audētis tollere mōlēs?
Quōs ego—sed mōtōs PRAESTAT compōnere flūctūs. 135
Post mihi nōn similī poenā commissa LUĒTIS.
MĀTŪRĀTE fugam, rēgīque haec DĪCITE vestrō:
nōn illī imperium pelagī saevumque tridentem,
sed mihi sorte datum. Tenet ille immānia SAXA,
vestrās, Eure, domōs; illā sē IACTET in aulā 140
Aeolus, et clausō ventōrum carcere RĒGNET.'
This quiz requires you to log in.
Please enter your Quia username and password. |
|
|
|
